చైనాలో ఫుడ్ డెలివరీ రైడర్ తన రోజువారీ అనుభవాలను సోషల్ మీడియాలో పోస్టు చేశాడు. డెలివరీ బాయ్లు పడే ఆవేదన తన కవితల్లో వ్యక్తం చేసేవాడు. అయితే ఓ రోజు తప్పుడు అడ్రస్కు ఫుడ్ డెలివరీ చేశాడు. అక్కడ ఆ అడ్రస్లో ఉన్న వ్యక్తి డెలివరీ రైడర్తో అనుచితంగా మాట్లాడాడు. ఇంత వయసు వచ్చినా ఈ పని చేస్తున్నావా అంటూ మాటలు అనేశాడు. ఆ మనస్తాపంతో రైడర్ వాంగ్ జిబింగ్ ఓ భావోద్వేగ కవితను రాశాడు. దాన్ని యధావిధిగా తన సోషల్ మీడియాలో పోస్టు చేశాడు. ఆ కవిత చైనీయులను ఆకర్షించింది. ఆన్లైన్లో వాంగ్కు ఫాలోయింగ్ పెరిగిపోయింది. మనిషి తొందరపాటు గురించి ఆ కవితలో అతను రాశాడు. ఆ తర్వాత కొన్ని రోజులకు లో ఫ్లయిట్ అని ఓ కవితా సంకలనాన్ని పోస్టు చేశాడు. చైనా సాహిత్యకారులు అందజేసే ప్రతిష్టాత్మక లూ జున్ సాహిత్య ప్రైజ్కు ఆ సంకలనం ఎంపికైంది. ప్రైజ్మనీలో భాగంగా విజేతకు సుమారు 14వేల డాలర్లు ఇవ్వనున్నారు.
