డైరెక్టర్ సందీప్ రెడ్డి వంగా సమర్పణలో భద్రకాళీ పిక్చర్స్ బ్యానర్ నిర్మిస్తున్న సినిమా రోమాంచకం. సుమంత్ ప్రభాస్, అనంతిక సనిల్ కుమార్ జంటగా నటిస్తున్న ఈ చిత్రాన్ని ప్రణయ్ రెడ్డి వంగా నిర్మిస్తున్నారు. నూతన దర్శకుడు వేణుగోపాల్ రెడ్డి రూపొందిస్తున్నారు. ఏషియన్ సినిమాస్ ద్వారా ఈ చిత్రాన్ని సునీల్ నారంగ్ ఆంధ్ర, తెలంగాణ, కర్ణాటకలో రిలీజ్ చేస్తున్నారు. ఈ నేపథ్యంలో నిర్వహించిన మీడియా సమావేశంలో డిస్ట్రిబ్యూటర్, ప్రొడ్యూసర్ సునీల్ నారంగ్ మాట్లాడుతూ ఈ సినిమా సక్సెస్ పై మాకు పూర్తి నమ్మకం ఉంది అని అన్నారు.
ఈ సినిమా కథను రెండు గంటల పాటు సందీప్, ప్రణయ్ లకు చెప్పాను. కథ విన్న వెంటనే మనం ఈ సినిమా చేస్తున్నామని చెప్పారు. ఫస్ట్ కట్ చూశాక సందీప్ వంగా ఒక బీర్ ఓపెన్ చేసి ఆస్కార్ అవార్డ్ లా నా చేతికి అందించారు. ఆ సందర్భం ఎంతో సంతోషాన్నిచ్చింది అని డైరెక్టర్ వేణుగోపాల్ రెడ్డి చెప్పారు.
హీరోయిన్ అనంతిక సనిల్ కుమార్ మాట్లాడుతూ 8 వసంతాలు సినిమా తర్వాత అనేక స్క్రిప్ట్స్ విన్నాను. కానీ వేణుగోపాల్ చెప్పిన ఈ కథకు కనెక్ట్ అయ్యాను. ఇదొక బ్యూటిఫుల్ స్క్రిప్ట్ అని అన్నారు. నేను నమ్మిన కథ అందరికీ నచ్చుతుందని ఆశిస్తున్నాం. బడ్డీ కామెడీ మూవీ ఇది. చాలా సరదాగా సాగుతుంటుంది అని అన్నారు. ఈ కథ విని రెండున్నర గంటలు నాన్ స్టాప్ గా నవ్వుకున్నా. పాత్ర పరంగా కొత్తగా నటించాననే ఫీల్ నాకే కలిగింది అని హీరో సుమంత్ ప్రభాస్ తెలిపారు.ఈ సినిమా సెప్టెంబర్ 3న రిలీజ్ కు రెడీ అవుతోంది.
