దినేష్‌ తేజ్‌, హెబ్బాపటేల్‌, పాయల్‌ రాధాకృష్ణ ప్రధానపాత్రలో తెరకెక్కిన చిత్రం అలా నిన్ను చేరి. మారేష్‌ శివన్‌ దర్శకుడు. కొమ్మాలపాటి సాయిసుధాకర్‌ నిర్మాత. ఈ సందర్బంగా ఈ చిత్రం ప్రీ రిలీజ్‌ ఈవెంట్‌ను నిర్వహించారు. అతిథిగా విచ్చేసిన దర్శకుడు సాయిరాజేశ్‌ సినిమా ఘనవిజయం సాధించాలని చిత్ర యూనిట్‌కి శుభాకాంక్షలు అందించారు. ప్రతి ఒక్కరి జీవితంలో జరిగే సంఘర్షణే ఈ చిత్రమని, దర్శకుడు ప్రాణంపెట్టి ఈ సినిమా తీశాడని, తప్పకుండా అందరికీ నచ్చే సినిమా అవుతుందని నిర్మాత చెప్పారు.
ఇది నిజానికి దగ్గరగా ఉండే కథ. దానికి తగ్గట్టే అందరూ సహజంగా నటించారు. సాంకేతికంగా కూడా అద్భుతంగా ఉంటుందీ సినిమా. సుభాష్‌ ఆనంద్‌ సంగీతం, చంద్రబోస్‌ సాహిత్యం ఈ ప్రేమకథకు ప్రధాన బలాలు. పనిచేసిన ప్రతి ఒక్కరికీ థ్యాంక్స్‌ చెప్పుకుంటున్నా అని దర్శకుడు అన్నారు. ఇంకా యూనిట్‌ సభ్యులందరూ మాట్లాడారు. ఈ నెల 10న ఈ చిత్రం విడుదల కానుంది.
