ధనుష్ కథానాయకుడిగా తొలిసారిగా బయోపిక్లో నటించబోతున్నారు. సుప్రసిద్ధ సంగీత దర్శకుడు, మ్యాస్ట్రో ఇళయరాజా బయోపిక్లో ధనుష్ టైటిల్ రోల్ని పోషించబోతున్నారు. వెయ్యి చిత్రాలకుపైగా స్వరాలు అందించిన ఇళయరాజా భారతీయ సంగీత ప్రపంచంలో లివింగ్ లెజెండ్గా కొనియాడబడుతున్నారు. కనెక్ట్ మీడియా సంస్థ ఈ బయోపిక్ను పాన్ ఇండియా స్థాయిలో తెరకెక్కించబోతున్నది. ఇందులో నటించడానికి ధనుష్ అంగీకరించారని తెలిసింది. స్వతహాగా ఇళయరాజా అభిమాని అయిన ధనుష్, ఈ సినిమా అవకాశం రాగానే వెంటనే ఒప్పుకున్నారని అంటున్నారు. వచ్చే ఏడాది ఏప్రిల్లో ఈ చిత్రం సెట్స్మీదకు వెళ్లను న్నట్లు తెలిసింది. తన తండ్రి బయోపిక్కు ధనుష్ పర్ఫెక్ట్ ఛాయిస్ అంటూ ఇళయరాజా తనయుడు యువన్శంకర్రాజా సైతం ఆనందం వ్యక్తం చేశారు.
