బాలకృష్ణ, బ్లాక్ బస్టర్ డైరెక్టర్ బాబీ కొల్లి దర్శకత్వంలో మరో భారీ యాక్షన్ చిత్రంతో రాబోతున్నారు.వర్కింగ్‌ టైటిల్ NBK 109 పేరుతో తెరకెక్కుతున్న ఈ చిత్రం షూటింగ్ మొదలైంది.ఈ సందర్భంగా కథనూ, అందులోని హీరో కేరక్టరైజేషన్‌నూ తెలియజేసే రీతిలో సృజనాత్మకంగా ఓ పోస్టర్‌ని మేకర్స్‌ విడుదల చేశారు. పదునైన గొడ్డలి, ఆ గొడ్డలికి వేళ్లాడుతున్న ఓ తాయెత్తు, ఆ గొడ్డలికి తగిలించిన ఓ కళ్లజోడు. ఆ కళ్లజోడులో కనిపిస్తున్న భయంకరమైన రూపాలు.. ఏదో కథ చెబుతున్నట్టు ఈ పోస్టర్‌ ఉంది. మరి అసలు కథేంటో తెలియాల్సివుంది. ప్రస్తుతం ఈ పోస్టర్‌ చర్చనీయాంశమైంది. సినిమాపై ఆసక్తిని కూడా రేకెత్తించింది. సితార ఎంటర్‌టైన్‌మెంట్స్‌, ఫార్చ్యూన్‌ఫోర్‌ సినిమాస్‌ పతాకాలపై సూర్యదేవర నాగవంశీ, సాయిసౌజన్య కలిసి నిర్మిస్తున్న ఈ చిత్రానికి సమర్పణ శ్రీకర స్టూడియోస్‌. ఈ సినిమాకు సంబంధించిన మిగతా వివరాలు తెలియాల్సివుంది.
