చరణ్సాయి, ఉషశ్రీ జంటగా నటిస్తున్న చిత్రం ఇట్స్ ఓకే గురు. మణికంఠ.ఎం దర్శకుడు. సురేష్ అనపురపు, బస్వ గోవర్థన్గౌడ్ నిర్మాతలు. ప్రమోషన్లో భాగంగా ఈ సినిమాలోని పాటను మేకర్స్ విడుదల చేశారు. నిలవదే నిలవదే.. ఎదురుగా నా మది అంటూ సాగే ఈ గీతాన్ని లక్ష్మీప్రియాంక రాయగా, మోహిత్ రెహ్మానియక్ స్వరపరచగా, సిద్ధార్థ్ మీనన్ ఆలపించారు. ప్రేమభావాలను వ్యక్తపరిచేలా రూపొందిన ఈ మెలోడీ సినిమాకు ప్రత్యేక ఆకర్షణగా నిలుస్తుందని మేకర్స్ తెలిపారు. సుధాకర్ కోమాకుల కీలక పాత్ర పోషిస్తున్నారు. త్వరలో సినిమా విడుదల కానుంది. ఈ చిత్రానికి మాటలు: కడలి సత్యనారాయణ, చైతన్య, కెమెరా, ఎడిటింగ్: సన్నీ.డి, నిర్మాణం: వండర్ బిల్ట్ ఎంటైర్టెన్మెంట్స్.
