సిద్ధు జొన్నలగడ్డ హీరోగా నటిస్తున్న తాజా చిత్రం జాక్. బొమ్మరిల్లు భాస్కర్‌ దర్శకుడు. శ్రీవెంకటేశ్వర సినీ చిత్ర పతాకంపై బీవీఎస్‌ఎన్‌ ప్రసాద్‌ నిర్మించారు. మ్యూజిక్‌ ప్రమోషన్స్‌లో భాగంగా ఫ్లాబో నెరుడా అనే తొలి గీతాన్ని విడుదల చేశారు. అచ్చు రాజమణి స్వరపరచిన ఈ గీతాన్ని వనమాలి రచించారు. బెన్నీ దయాల్‌ ఆలపించారు. హీరో పరిచయ గీతమిదని, విజువల్స్‌ కట్టిపడేస్తాయని చిత్ర బృందం పేర్కొంది. యూత్‌ఫుల్‌ ఎంటర్‌టైనర్‌గా ఈ చిత్రాన్ని తెరకెక్కించామని, సిద్ధు జొన్నలగడ్డ పాత్ర నవ్యరీతిలో సాగుతుందని మేకర్స్‌ తెలిపారు. వైష్ణవిచైతన్య, ప్రకాష్‌రాజ్‌, నరేష్‌, బ్రహ్మాజీ తదితరులు ఈ చిత్రంలో నటించారు. ఏప్రిల్‌ 10న ప్రేక్షకుల ముందుకురానుంది.
