నితిన్, శ్రీలీల జంటగా రూపొందుతోన్న యాక్షన్‌ కామెడీ ఎంటైర్టెనర్‌ రాబిన్హుడ్. వెంకీ కుడుముల దర్శకుడు. మైత్రీ మూవీమేకర్స్‌ పతాకంపై నవీన్‌ యెర్నేని, వై.రవిశంకర్‌ నిర్మిస్తున్న ఈ చిత్రం షూటింగ్‌ శరవేగంగా జరుగుతున్నది. దీపావళి పర్వదినం సందర్భంగా మేకర్స్‌ ఈ సినిమా స్పెషల్‌ పోస్టర్‌ని విడుదల చేశారు. నితిన్ స్టైలిష్‌ గా మాసీవ్‌గా ఈ పోస్టర్‌లో కనిపిస్తున్నారు. త్వరలోనే ఈ సినిమా టీజర్‌ విడుదల కానుంది. మైత్రీమూవీమేకర్స్‌ అత్యంత ప్రతిష్టాత్మకంగా తెరకెక్కిస్తున్న ఈ చిత్రంలో రాజేంద్రప్రసాద్‌, వెన్నెల కిశోర్‌ తదితరులు ఇతర పాత్రధారులు. ఈ చిత్రానికి కెమెరా: సాయిశ్రీరామ్‌, సంగీతం: జీవీ ప్రకాశ్‌కుమార్‌.
