రామ్చరణ్ రూరల్ స్పోర్ట్స్ డ్రామా పెద్ది నిర్మాణం నుంచే భారీ హైప్ని క్రియేట్ చేస్తున్నది. బుచ్చిబాబు సానా దర్శకత్వం. వృద్ధి సినిమాస్ పతాకంపై వెంకట సతీష్ కిలారు ఈ చిత్రాన్ని నిర్మిస్తున్నారు. ఇప్పటికే విడుదలైన చికిరి చికిరి, రైరై రారా పాటలు ఛార్ట్బస్టర్స్గా నిలిచాయి. ఈ నేపథ్యంలో మేకర్స్ ఈ సినిమా గురించి బిగ్ అప్డేట్ను అందించారు.
ఈ నెల 27న రామ్చరణ్ పుట్టినరోజుని పురస్కరించుకొని మాస్ ర్యాంపేజ్ పేరుతో గ్లింప్స్ని విడుదల చేయబోతున్నట్లు ప్రకటించారు. రామ్చరణ్కు స్వల్ప గాయం: పెద్ది చిత్రీకరణలో రామ్చరణ్ స్వల్పంగా గాయపడ్డారు. ఆయన ఎడమ కంటి దగ్గర చిన్న గాయమైందని మేకర్స్ తెలిపారు. రామ్చరణ్ పూర్తిగా క్షేమంగా ఉన్నారు. షూటింగ్ షెడ్యూల్కు ఎలాంటి అంతరాయం లేదు. ఆయన యథావిధిగా తిరిగి షూటింగ్లో పాల్గొంటారు అని మేకర్స్ ఓ ప్రకటనలో తెలియజేశారు.ఈ చిత్రం ఏప్రిల్ 30న ప్రేక్షకుల ముందుకురానుంది.
