వీకే నరేష్‌, రాగ్‌ మయూర్‌, ప్రియా వడ్లమాని ప్రధాన పాత్రల్లో నటిస్తున్న ఫ్యామిలీ ఎంటర్‌టైనర్‌ వీరాంజనేయు లు విహారయాత్ర. అనురాగ్‌ పలుట్ల దర్శకుడు. బాపినీడు.బి, సుధీర్‌ ఈదర్‌ నిర్మాతలు. ఈ నెల 14నుంచి ఈటీ వీ విన్‌లో స్ట్రీమింగ్‌ కాబోతున్నది. ఈ సందర్భంగా ఏర్పాటు చేసిన సమావేశంలో వీకే నరేష్‌ మాట్లాడుతూ ఈ సినిమాలో అద్భుతమైన కామెడీ, పంచ్‌ డైలాగ్‌లు ఉంటాయి. ఉషాకిరణ్‌ మూవీస్‌ నిర్మించిన శ్రీవారికి ప్రేమ లేఖ తరహాలో పెద్ద విజయం సాధిస్తుందనే నమ్మకం ఉంది. చక్కటి వినోదంతో పాటు మనసును కదిలించే భావోద్వేగాలతో ఆకట్టుకుంటుంది అన్నారు. ఈ సినిమా చూస్తే అందరికీ కుటుంబ అనుబంధాలు గుర్తుకొస్తా యని రాగ్‌ మయూర్‌ చెప్పారు. ప్రతి ఒక్కరికి కనెక్ట్‌ అయ్యే కథాంశమిదని దర్శకుడు పేర్కొన్నారు. ఈ చిత్రానికి సంగీతం: ఆర్‌.హెచ్‌.విక్రమ్‌.
