సతీశ్‌ జై స్వీయ దర్శకత్వంలో నటించిన చిత్రం గజ. ఫర్నాజ్‌ శెట్టి కథానాయిక. డా.మైత్రి శరణ్‌ నిర్మించిన ఈ చిత్రాన్ని మైత్రీ మూవీస్‌ తెలుగులో విడుదల చేస్తున్నది. ఈ సందరభంగా ఈ సినిమా సాంగ్ లాంచ్‌ ఈవెంట్‌ని హైదరాబాద్‌లో నిర్వహించారు. ఈ కార్యక్రమానికి అతిథిగా విచ్చేసిన ప్రముఖ దర్శకుడు సాయిరాజేష్‌ అల్లకల్లోకంగా అంటూ సాగే ఈపాటను ఆవిష్కరించి, చిత్రబృందానికి శుభాకాంక్షలు అందించారు. మణిశర్మ సంగీతం ఈ సినిమాకు వెన్నెముక.
వాణిజ్య అంశాలతో పాటు అద్భుతమైన సందేశం కూడా ఈ సినిమాలో ఉంటుంది. ఇదొక భావోద్వేగ ప్రయాణం. ైక్లెమాక్స్‌ కంటతడి పెట్టిస్తుంది. నా భార్య మైత్రీ శరణ ఎక్కడా రాజీ పడకుండా ఈ సినిమాను నిర్మించింది. అందరూ చూసి సపోర్ట్‌ చేస్తారని ఆశిస్తున్నా అని హీరో, నిర్మాత, దర్శకుడు సతీశ్‌ జై అన్నారు. ఈ సినిమా కోసం సతీశ్‌ జై ఎన్నో కష్టాలను, సవాళ్లను ఎదుర్కొన్నాడని, దానికి తగ్గ ప్రతిఫలం ఈ సినిమా ఇస్తుందని సంగీత దర్శకుడు మణిశర్మ నమ్మకం వెలిబుచ్చారు. ఇంకా నిర్మాత మైత్రీ శరణ్‌, కథానాయిక ఫర్నాజ్‌ శెట్టి, సెవెన్‌ హిల్స్‌ సతీశ్‌, గీత రచయిత మిట్టపల్లి సురేందర్‌ కూడా మాట్లాడారు.
