అల్లరి నరేష్‌ కథానాయకుడిగా నటిస్తున్న తాజా చిత్రం బచ్చలమల్లి. సుబ్బు మంగదేవి దర్శకుడు. హాస్య మూవీస్‌ పతాకంపై రాజేష్‌ దండా, బాలాజీ గుత్తా నిర్మిస్తున్నారు. అమృత అయ్యర్‌ కథానాయిక. అల్లరి నరేష్‌ జన్మదినం సందర్భంగా ఫస్ట్‌గ్లింప్స్‌ విడుదల చేశారు. ఇందులో ఆయన పూర్తి మాస్‌ అవతారంలో కనిపించారు.
యాక్షన్‌, ఎమోషనల్‌ కంటెంట్‌తో గ్లింప్స్ ఆకట్టుకుంది. ఏయ్‌..ఎవడి కోసం తగ్గాలి. ఎందుకు తగ్గాలి అంటూ అల్లరి నరేష్‌ చెప్పిన డైలాగ్‌ హైలైట్‌గా నిలిచింది. అల్లరి నరేష్‌ ఇంతవరకు ఈ తరహా మాస్‌ క్యారెక్టర్‌ చేయలేదని, ఆయన కెరీర్‌లో ప్రత్యేక చిత్రంగా నిలిచిపోతుందని మేకర్స్‌ తెలిపారు. సెప్టెంబర్‌లో ప్రేక్షకుల ముందుకురానుంది. ఈ చిత్రానికి కెమెరా: రిచర్డ్‌ ఎమ్‌ నాథన్‌, సంగీతం: విశాల్‌చంద్రశేఖర్‌, కథ, మాటలు, దర్శకత్వం: సుబ్బు మంగదేవి.
