అమెరికా మాజీ అధ్యక్షుడు డొనాల్డ్ ట్రంప్‌పై మరోసారి రేప్‌ కేసు నమోదు చేసేందుకు ఓ మహిళ సిద్దమైంది. 1995 లేదా 96లో మన్‌హటన్‌లో ఉన్న ఓ డిపార్ట్‌మెంట్‌ స్టోర్‌లోని డ్రెస్సింగ్‌ రూమ్‌లో ట్రంప్ తనను రేప్‌ చేసినట్లు జీన్‌ కారెల్‌ ఆరోపించారు. 1990 దశకంలో బెర్గడోర్ఫ్‌ గుడ్‌మ్యాన్‌ స్టోర్‌లో పనిచేస్తున్న సమయంలో డొనాల్డ్ ట్రంప్ తనపై అత్యాచారం చేసినట్లు కారెల్‌ అనే మహిళ గతంలో ఫిర్యాదు చేసింది. అయితే ఆ ఘటనపైనే మరోసారి ఆమె కోర్టులో దావా వేసేందుకు సిద్ధమైంది. ట్రంప్ కావాలనే తనను భావోద్వేగానికి లోనయ్యేలా చేశారని ఆమె తన దావాలో పేర్కొన్నట్లు ఆమె తరపు న్యాయవాది తెలిపారు. నవంబర్‌ 24న ట్రంప్‌పై కేసు దాఖలు చేయనున్నట్లు కారెల్‌ లాయర్‌ తెలిపారు.
