మైథలాజికల్ కాన్సెప్ట్‌తో రామాయణ, మహాభారతాల పాత్రలను తీసుకుని ఇప్పటికే చాలా సినిమాలు వచ్చాయి. ఇదే జోనర్‌లో భీముడు మనవడు, ఘటోత్కచుడు కుమారుడు బార్బరిక్‌పై వస్తున్న చిత్రం త్రిబాణధారి బార్బరిక్‌. సత్యరాజ్ లీడ్ రోల్‌లో నటిస్తున్నాడు. ఈ చిత్రానికి మోహన్‌ శ్రీవత్స దర్శకత్వం వహిస్తున్నాడు. ఎవరు తాతా ఇతను? అని చిన్నారి అడుగగా, ప్రపంచం గుర్తించని గొప్ప యోధుడమ్మా, భీష్ముడా తాతా? హహ కాదమ్మా అంటూ సాగే సంభాషణలతో షురూ అయింది టైటిల్‌ గ్లింప్స్. మాధవా వెయ్యేనుగుల బలశాలి భీముడికి మనవడిని. ఘటోత్కచుడుకు కుమారుడిని అంటూ బార్బరిక్‌ ఇంట్రడక్షన్‌ వీడియో స్టన్నింగ్‌గా సాగుతోంది. గాండీవధారి అర్జున, పాశుపతాస్త్రం, బ్రహ్మాస్త్రం, గరుడ పురాణం అంటూ పలు గ్రంథాలు, వాటిపై వాచ్‌ను చూడొచ్చు. టైటిల్‌ గ్లింప్స్‌తోనే క్యూరియాసిటీ అమాంతం పెంచేస్తుంది మారుతి టీం. స్టార్ డైరెక్టర్‌ మారుతి సమర్పణలో వానర సెల్యూలాయిడ్‌ బ్యానర్‌పై విజయ్‌పాల్‌ రెడ్డి అడిధాలా ఈ చిత్రాన్ని నిర్మిస్తున్నారు. ఈ మూవీలో వశిష్ఠ ఎన్ సింహా, సంచి రాయ్‌, సత్యం రాజేశ్‌, క్రాంతి కిరణ్‌, వీటీవీ గణేశ్‌, మొట్ట రాజేంద్ర, ఉదయ భాను ఇతర కీలక పాత్రల్లో నటిస్తున్నారు.
