ప్రవాసుల విషయంలో గల్ఫ్ దేశం కువైత్ మరో కఠిన నిర్ణయం. 2022-23 విద్యా సంవత్సరంలో ఏకంగా 1,875 మంది ప్రవాస టీచర్లపై వేటు వేసే ప్లాన్‌లో ఉందట. ఈ మేరకు విద్యాశాఖ కసరత్తు మొదలెట్టిందని సంబంధిత వర్గాల సమచారం. విద్య, ఉన్నత విద్య మరియు శాస్త్రీయ పరిశోధనశాఖ మంత్రి డాక్టర్ హమద్ అల్-అద్వాన్ పర్యవేక్షణలో ఇప్పటికే ఈ విషయంలో కసరత్తు జరుగుతుందని, కువైటైజేషన్ పాలసీలో భాగంగా ఎడ్యుకేషనల్ జాబ్స్‌లో స్థానికులకు ప్రాధాన్యం ఇవ్వాలనే ఉద్దేశంతోనే ఈ నిర్ణయం తీసుకున్నట్లు తెలిసింది. ఇక తొలి దశలో స్పెషలైజేషన్ లేని 25శాతం మంది ప్రవాస టీచర్లను తొలగించాలని ప్రణాళిక రెడీ చేసిందని తెలుస్తోంది. ప్రవాస టీచర్ల స్థానంలో కువైటీలను భర్తీ చేసేలా ఇప్పటికే అన్ని చర్యలు తీసుకుందట విద్యాశాఖ.
