నందమూరి కల్యాణ్‌రామ్‌ నటించిన యాక్షన్‌ ప్యాక్డ్‌ ఫ్యామిలీ డ్రామా అర్జున్ సన్నాఫ్ వైజయంతి. ప్రదీప్‌ చిలుకూరి దర్శకుడు. అశోక్‌వర్ధన్‌ ముప్పా, సునీల్‌ బలుసు నిర్మాతలు. ఈ సినిమాను మేలో విడుదల చేయాలని ముందు భావించారు. కానీ రానున్న వేసవి సెలవులను దృష్టిలో పెట్టుకొని ఈ నెల 18న సినిమాను విడుదల చేస్తున్నట్టు ఓ ప్రకటన ద్వారా మేకర్స్‌ తెలియజేశారు.
ఈ సందర్భంగా విడుదల చేసిన రిలీజ్‌డేట్‌ పోస్టర్‌లో హీరో కల్యాణ్‌రామ్‌ మాస్‌, యాక్షన్‌ అవతార్‌లో కనిపిస్తున్నారు. క్యారెక్టర్‌ వ్యక్తిత్వాన్ని ఆవిష్కరించేలా ఈ పోస్టర్‌ ఉన్నది. విజయశాంతి కీలక పాత్ర పోషించిన ఈ చిత్రంలో సాయి మంజ్రేకర్‌, శ్రీకాంత్‌, యానిమల్‌ పృథ్వీరాజ్‌ ముఖ్యపాత్రధారులు. ఈ చిత్రానికి కెమెరా: రామ్‌ప్రసాద్‌, సంగీతం: అజనీష్‌ లోక్‌నాథ్‌.
