బాలకృష్ణ కొత్త సినిమా విషయంలో స్పష్టత వచ్చింది. ప్రస్తుతం ఆయన అఖండ-2 షూటింగ్‌లో బిజీగా ఉన్నారు. తొలిభాగం బ్లాక్‌బస్టర్‌ హిట్‌ దృష్ట్యా ఈ సీక్వెల్‌పై భారీ అంచనాలేర్పడ్డాయి. ఈ సినిమా పూర్తయిన తర్వాత బాలయ్య తదుపరి ప్రాజెక్ట్‌ ఏమిటన్నది ఆసక్తికరంగా మారింది. తనకు వీరసింహారెడ్డి వంటి హిట్‌ చిత్రాన్ని అందించిన గోపీచంద్‌ మలినేనితో బాలకృష్ణ మరో సినిమాకు గ్రీన్‌సిగ్నల్‌ ఇచ్చారని ప్రచారం జరుగుతున్నది. తాజాగా ఈ విషయాన్ని దర్శకుడు గోపీచంద్‌ కన్‌ఫర్మ్‌ చేశారు. తన తదుపరి సినిమాను బాలకృష్ణతో చేయబోతున్నానని వెల్లడించారు. బాలకృష్ణ జన్మదినమైన జూన్‌ 10న ఈ సినిమా మొదలవుతుందని తెలిపారు.
