అను ఇమ్మాన్యుయేల్, శివ కందుకూరి లీడ్రోల్స్లో నటిస్తున్న థ్రిల్లర్ మూవీ బూమరాంగ్. సినిమాటోగ్రాఫర్ ఆండ్రూబాబు దర్శకుడిగా పరిచయం అవుతున్నారు. లండన్ గణేశ్, డా.ప్రవీణ్రెడ్డి వూట్ల నిర్మాతలు. ఈ చిత్రం టైటిల్, ఫస్ట్లుక్ పోస్టర్ని అగ్రహీరో వెంకటేష్ ఆవిష్కరించారు. కర్మ సిద్ధాంతం నేపథ్యంలో రెండు సమాంతర కథాంశాలతో ఉత్కంఠను కలిగించే థ్రిల్లర్గా సినిమా ఉంటుందని, తలకు గాయమై రక్తం కారుతుండగా, షాక్ స్థితిలో ఉన్న అను ఇమ్మాన్యుయేల్ను ఈ పోస్టర్లో చూడొచ్చు. కాళరాత్రి నిర్జీవంగా పడున్న శరీరాలు వీటిమధ్య నల్లని కుక్కతో నడుచుకుంటూ వస్తున్న ఓ వ్యక్తి, ఇలాంటి భయంకరమైన వాతావరణం ఈ పోస్టర్ ఉన్నది. అద్భుతమైన సినిమాటిక్ ఎక్స్పీరియన్స్ ఇచ్చే సినిమా ఇదని, ఆండ్రూ బాబు దర్శకత్వం, సినిమాటోగ్రఫీ హైలైట్స్గా నిలుస్తాయని మేకర్స్ తెలిపారు. ఈ చిత్రానికి సంగీతం: అనూప్ రూబెన్స్, నిర్మాణం: బిగ్ మూవీ మేకర్స్ లిమిటెడ్ అండ్ మై3 ఆర్ట్స్.
