వెంకట్‌ కల్యాణ్‌ కథానాయకుడిగా నటిస్తున్న చిత్రం చెడ్డీగ్యాంగ్‌ తమాసా. గాయత్రి పటేల్‌ కథానాయిక. సి. హెచ్‌. క్రాంతికిరణ్‌ నిర్మాత. ఈ సినిమా ట్రైలర్ విడుదల కార్యక్రమం హైదరాబాద్‌లో జరిగింది. ప్రముఖ నటుడు బ్రహ్మానందం ముఖ్య అతిథిగా హాజరై ట్రైలర్‌ని ఆవిష్కరించారు. ఈ సందర్భంగా ఆయన మాట్లాడుతూ చెడ్డీ గ్యాంగ్‌ తమాషా అంటే ఇందులో హాస్యం ఉంటుందని అర్థమైంది. అందుకే ఓహాస్యనటుడిగా ట్రైలర్ విడుదల కోసం వచ్చా అన్నారు. సినిమా బాగుంటే అదే విజయం సాధిస్తుంది. మంచి బృందం కలిసి చేసిన ఈ చిత్రం ప్రేక్షకాదరణ పొందుతుందని నమ్ముతున్నా అన్నారు. దర్శకుడు మాట్లాడుతూ పవన్‌ కల్యాణ్‌ స్ఫూర్తితో పరిశ్రమకి వచ్చా. ఓ పల్లెలో భూస్వామి ఆ ఊరి జనాల్ని పట్టి పీడిస్తుంటాడు. గొప్ప ఆదర్శ భావాలున్న ఓ వ్యక్తి ఆ పల్లెని ఎలా కాపాడాడనే అంశంతో ఓ కామెడీ డ్రామాగా మలిచాం. అందరూ నచ్చేలా ఉంటుంది చిత్రం అన్నారు. ఈ కార్యక్రమంలో సంజయ్‌ నాయక్‌, మాస్టర్‌ .జి. విహారి తదితరులు పాల్గొన్నారు.
