అమెరికాలో మరోసారి కాల్పుల ఘటన కలకలం రేపింది. వాషింగ్టన్ డీసీలోని వైట్‌ హౌస్‌కు ఉత్తరంగా సుమారు ఒక మైలు దూరంలోని లాగన్‌ సర్కిల్‌ ప్రాంతంలో గురువారం తెల్లవారుజామున జరిగిన కాల్పుల్లో కనీసం ఒకరు మృతిచెందగా, నలుగురికి బుల్లెట్‌ గాయాలయ్యాయి. కాల్పుల ఘటనకు సంబంధించి అనుమానితుడు ఒక అపార్ట్‌మెంట్‌లో తనను తాను బంధించుకున్నాడని, అతడికి కూడా తుపాకీ గాయమై ఉన్నట్లు గుర్తించామని పోలీసులు తెలిపారు. నలుగురు కాల్పులకు గురైన వారిని గుర్తించామని, ఘటనాస్థలంలో మరో వ్యక్తి మృతిచెందినట్లు తెలిసిందని పోలీసులు చెప్పారు.
