మాస్ మ‌హ‌రాజా రవితేజ నటిస్తున్న లేటెస్ట్ మూవీ యాక్షన్ థ్రిల్లర్ ఈగల్‌. కార్తీక్‌ ఘట్టమనేని దర్శకత్వం. ఈ మూవీలో అనుపమ పరమేశ్వరన్‌, కావ్య థాపర్‌ ఇందులో హీరోయిన్లు. ఈ సందర్భంగా ట్రైలర్‌ను చిత్ర బృందం విడుదల చేశారు. ఆయుధంతో విధ్వంసం చేసేవాడు రాక్షసుడు, ఆయుధంతో విధ్వంసం ఆపేవాడు దేవుడు, ఈ దేవుడు మంచోడు కాదు మొండోడు ఈగల్‌ ట్రైలర్‌ చివర్లో రవితేజ చెప్పే డైలాగ్‌ ఇది. ట్రైలర్‌ని బట్టి చూస్తే రవితేజ పాత్రలో విభిన్న కోణాలు కనిపిస్తున్నాయి. ఆయన రెండు గెటప్పుల్లో కనిపిస్తు న్నారు. ఆద్యంతం యాక్షన్ డ్రామాగా హాలీవుడ్‌ స్థాయి మేకింగ్‌ ట్రైలర్‌లో దర్శనమిస్తున్నది. మాస్ ప్రేక్షకులే లక్ష్యంగా పీపుల్‌ మీడియా ఫ్యాక్టరీ పతాకంపై టి.జి.విశ్వప్రసాద్‌ నిర్మించిన ఈ చిత్రం రవితేజ కెరీర్‌లో మైలురాయి గా నిలుస్తుందని చిత్రబృందం నమ్మకంగా చెబుతున్నది. ఈ చిత్రంలో మధుబాల, నవదీప్‌, అవసరాల శ్రీనివాస్‌ కీలక పాత్రధారులు. జనవరి 13న సంక్రాంతి కానుకగా సినిమా విడుదల కానుంది. ఈ చిత్రానికి మాటలు: మణిబాబు కరణం, సంగీతం: దావ్‌జాంద్‌.
