ఎన్టీఆర్‌ కథానాయకుడిగా కొరటాల శివ దర్శకత్వంలో రూపొందిస్తున్న చిత్రం దేవర. జాన్వీకపూర్‌ కథానాయిక. ఈ చిత్రంలో సైఫ్‌ అలీఖాన్‌ కీలక పాత్ర పోషిస్తున్నారు. ప్రకాశ్‌రాజ్‌, శ్రీకాంత్‌, షైన్‌ టామ్‌ చాకో, అజయ్‌, గెటప్‌ శ్రీను తదితరులు ఇతర పాత్రధారులు. మ‌రోవైపు ఈ చిత్రం సెన్సార్ ప‌నులు కూడా పూర్తిచేసుకుంది. ఈ సినిమాకు సెన్సార్ బోర్డు స‌భ్యులు యూ/ఏ సర్టిఫికెట్‌ జారీ చేసిన‌ట్లు స‌మాచారం. మ‌రోవైపు ఈ సినిమా రన్టైమ్ 2 గంటల 57 నిమిషాల 58 సెకన్ల పాటు ఉండనుంది. ఇక మూవీలో విజువల్స్‌ అద్భుతంగా ఉంటాయని, చివరి 40 నిమిషాలు సినిమాలో హైలైట్ ఉంటుంద‌ని సెన్సార్ బోర్డ్ చెప్పిన‌ట్లు టాక్. ఈ భారీ పాన్‌ ఇండియా చిత్రం సెప్టెంబర్ 27న ప్రేక్ష‌కుల ముందుకు రాబోతుంది. ఈ చిత్రానికి కెమెరా: రత్నవేలు, ఎడిటింగ్‌: శ్రీకర్‌ ప్రసాద్‌, దర్శకుడు కొరటాల శివ, నిర్మాతలు: మిక్కిలినేని సుధాకర్‌, హరికృష్ణ.కె, సమర్పణ: నందమూరి కల్యాణ్‌రామ్‌.
ఇదిలావుంటే తాజాగా ఈ చిత్రం హాలీవుడ్ ఫిలిం ఫెస్టివ‌ల్‌కు ఎంపికైంది. కాలిఫోర్నియాలోని లాస్‌ ఏంజెలిస్‌ లో జరగనున్న బియాండ్‌ ఫెస్ట్‌ అనే హాలీవుడ్ ఫిలిం ఈవెంట్‌లో దేవర సినిమాను ప్ర‌ద‌ర్శించ‌ను న్నారు. ఈ విష‌యాన్ని బియాండ్‌ ఫెస్ట్‌ అధికారులు ఎక్స్ వేదిక‌గా ప్ర‌కటించారు. కాగా ఈ ఈవెంట్ సెప్టెంబర్ 25 నుంచి అక్టోబర్ 9 వరకు జ‌రుగ‌నుంది.
