నరేష్‌ అగస్త్య కథానాయకుడిగా మేఘాలు చెప్పిన ప్రేమకథ పేరుతో ఓ మ్యూజికల్‌ రొమాంటిక్‌ డ్రామా రూపొందుతున్నది. విపిన్‌ దర్శకత్వంలో ఉమాదేవి కోట నిర్మిస్తున్న ఈ చిత్రం ప్రస్తుతం పోస్ట్‌ ప్రొడక్షన్‌ దశలో ఉంది. త్వరలో సినిమాను విడుదల చేయనున్నారు. ప్రమోషన్‌లో భాగంగా ఈ సినిమా ఫస్ట్‌లుక్‌ పోస్టర్‌ని మేకర్స్‌ విడుదల చేశారు.
నాయకానాయికలు నరేష్‌ అగస్త్య, రబియా ఖాతూన్‌ అందంగా నవ్వుతూ ఈ పోస్టర్‌లో కనిపిస్తున్నారు. ఇది రొమాంటిక్‌ మ్యూజికల్‌ ఎంటైర్టెనర్‌ అని ఫస్ట్‌లుక్‌ పోస్టర్‌ చెప్పకనే చెబుతున్నది. పోస్టర్‌లోని పొగమంచు, ప్రశాంతమైన కొండప్రాంతం, ఓ అందమైన గిటార్‌, ఇవన్నీ ఇది సంగీత నేపథ్యంలో సాగే ప్రేమకథ అని చెబుతున్నాయి. సుమన్‌, ఆమని ముఖ్య పాత్రల్లో నటిస్తున్నారు. ఈ చిత్రంలో రాధిక శరత్‌కుమార్‌ కీలక పాత్ర పోషిస్తున్నారు. ఈ చిత్రానికి కెమెరా: మోహన్‌కృష్ణ, సంగీతం: జస్టిస్‌ ప్రభాకరన్‌, ఆర్ట్‌: తోట తరణి, నిర్మాణం: సునేత్ర ఎంటైర్టెన్మెంట్స్‌ ప్రై.లిమిటెడ్‌.
