భూమిపైనే కాకుండా భూమి వెలుపల ఎదురయ్యే ముప్పులను సమర్థంగా ఎదుర్కొనేందుకు అమెరికా సిద్ధమ వుతున్న ది. ఇందులో భాగంగా ప్రపంచంలోనే తొలిసారిగా ఆ దేశ వింగ్ స్పేస్ ఫోర్స్ (యూఎస్ఎస్ఎఫ్) భూ కక్ష్యలో సైనిక విన్యాసాలను నిర్వహించనున్నది. ఈ మేరకు అమెరికా స్పేస్ ఫోర్స్ ఇటీవల రాకెట్ ల్యాబ్ నేషనల్ సెక్యూరిటీ, ట్రూ అనోమలీ అనే ప్రైవేటు అంతరిక్ష కంపెనీలతో ఒప్పందం చేసుకొన్నదని స్పేస్ సిస్టమ్స్ కమాండ్ పేర్కొన్నది. విక్టస్ హేజ్ అని పేరు పెట్టిన ఈ మిషన్ 2025లోగా అమలు చేసే అవకాశం ఉన్నదని సంబంధిత వర్గాలు వెల్లడించాయి. ఈ రెండు కంపెనీలు స్పేస్ ఫోర్స్కు అవసరమైన ఆర్పీవో, అంతరిక్ష నౌకలు వంటివి అందించనున్నాయి. ట్రూ అనోమలీకి చెందిన స్పేస్ వెహికల్ జాకల్,రాకెట్ ల్యాబ్కు చెందిన మానవరహిత వాహనం కక్ష్యలో సంభవించే ప్రతికూల పరిస్థితులకు స్పందించే యూఎస్ స్పేస్ ఫోర్స్ సామర్థ్యాన్ని ప్రదర్శిస్తాయి.
