Namaste NRI

బెంగళూరులో బ్రిటన్‌ మాజీ ప్రధాని రిషి సునాక్‌ సందడి

బ్రిటన్‌ మాజీ ప్రధాని, భారత సంతతికి చెందిన రిషి సునాక్‌  బెంగళూరులో మెరిశారు. తన భార్య అక్షతా మూర్తి తో కలిసి ఓ కాఫీ షాప్‌లో సందడి చేశారు. రిషి సునాక్‌, ఆయన భార్య అక్షతా మూర్తి ఇటీవలే బెంగళూరు లోని థర్డ్‌ వేవ్‌ కాఫీ  షాప్‌లో కాఫీ డేట్‌ను ఆస్వాదించారు. ఇద్దరూ టేబుల్‌ వద్ద కాఫీని ఎంజాయ్‌ చేస్తూ సరదాగా కబుర్లు చెప్పుకుంటూ కనిపించారు. ఆ సమయంలో కాఫీ షాప్‌కు వెళ్లిన స్థానికులు రిషి సునాక్‌ జంటను చూసి థ్రిల్‌ అయ్యారు. వారితో ఫొటోలు, సెల్ఫీలు దిగేందుకు ఎగబడ్డారు. కాగా, రిషి సునాక్ 2022 నుంచి 2024 వరకు యూకే ప్రధాన మంత్రిగా పనిచేసిన విషయం తెలిసిందే. ఇటీవలే జరిగిన ఎన్నికల్లో రిషి సునాక్‌ పార్టీ ఓటమి చవి చూసింది. ఇన్ఫోసిస్ సంస్థ వ్యవ‌స్థాప‌కుడు నారాయ‌ణ‌మూర్తి, సుధామూర్తి వీరి కుమార్తే అక్షతా మూర్తి. అక్షత.. రిషి సునాక్‌కు ప్రేమ వివాహం చేసుకుంది. 

Social Share Spread Message

Latest News

Our Advertisers

తాజా వార్తా చిత్రాలు

NRI Events