కెనడా పట్ల అమెరికా అధ్యక్షుడు డొనాల్డ్‌ ట్రంప్‌ కఠినంగా వ్యవహరిస్తున్న విషయం తెలిసిందే. ఆ దేశ ఉత్పత్తులపై భారీగా టారిఫ్‌లు విధించడంతోపాటు, తాజాగా వాహన దిగుమతులపై కూడా 25శాతం సుంకాన్ని విధించారు. ఈ నేపథ్యంలో ట్రంప్‌ ప్రకటనపై కెడాన ఘాటుగా స్పందించింది. ఈ చర్యతో అమెరికాతో పాత దోస్తీ ముగిసిందని కెనడా ప్రధాని మార్క్ కార్నీ వ్యాఖ్యానించారు.
ఏప్రిల్‌ 3 నుంచి అమెరికా దిగుమతి చేసుకునే వాహనాలపై 25శాతం సుంకాలు అమల్లోకి వస్తాయని ట్రంప్‌ ప్రకటించిన విషయం తెలిసిందే. ఈ నిర్ణయం కెనడా ఆటో పరిశ్రమకు పెద్ద ఎదురుదెబ్బే. దాదాపు 5 లక్షల ఉద్యోగాలపై ఇది ప్రతికూల ప్రభావం చూపించే అవకాశం ఉంది.
