విజయ్‌ దేవరకొండ తాజా చిత్రం ఫ్యామిలీ స్టార్‌. మృణాల్‌ ఠాకూర్‌ కథానాయిక. దిల్‌రాజు-శిరీష్‌ నిర్మిస్తున్న ఈ చిత్రం ఏప్రిల్‌ 5న విడుదలకానుంది. మంగళవారం నుంచి మ్యూజికల్‌ ప్రమోషన్స్‌ మొదలుపెట్టారు. గోపీ సుందర్‌ స్వరపరచిన ఈ పాటను సిధ్‌శ్రీరామ్‌ ఆలపించగా, అనంత్‌ శ్రీరామ్‌ రచన చేశారు. ఇందులోభాగంగా నందనందనా అనే లిరికల్‌ సాంగ్‌ ప్రోమోను విడుదల చేశారు. ఈ నెల 7న పూర్తి పాటను రిలీజ్ చేయబోతు న్నారు. నంద నందనా చక్కటి ప్రేమగీతంగా ఆకట్టుకుంటుందని, నాయకానాయికల మధ్య కెమిస్ట్రీ ప్రధానా కర్షణగా నిలుస్తుందని చిత్రబృందం పేర్కొంది. ఈ చిత్రానికి కెమెరా: కేయూ మోహనన్‌, సంగీతం: గోపీసుందర్‌, రచన-దర్శకత్వం: పరశురామ్‌ పెట్ల.
