రవితేజ హీరోగా రూపొందిన చిత్రం ఈగల్. కార్తీక్ ఘట్టమనేని దర్శకుడు. టీజీ విశ్వప్రసాద్ నిర్మాత. జనవరి 13న సినిమా విడుదల కానుంది. దావ్జాంద్ స్వరాలందించిన సినిమాలోని గల్లంతే అని సాగే రెండో పాటను ఈ రోజు చిత్రబృందం చేసింది . ఈ సందర్భంగా రవితేజ మాట్లాడారు. ఈగల్ వాణిజ్య అంశాలతో కూడిన విభిన్నమైన సినిమా. వినోదం కావాల్సినంత ఉంటుంది. అందరికీ నచ్చే సినిమా ఇది అని అన్నారు. కృష్ణకాంత్ సాహిత్యం అందించిన ఈ పాటను కపిల్ కపిలన్, లిన్ కలిసి ఆలపించారు. ఈ పాట సినిమాకు హైలైట్గా నిలుస్తుందని, చదువుకునే రోజుల్లో రవితేజ అభిమానినైన తాను ఆయన సినిమాకు మ్యూజిక్ అందించడం ఆనందంగా ఉందని దావ్జాంద్ అన్నారు. రవితేజతో కలిసి నటించడం పట్ల కథానాయిక కావ్యా ధాపర్ ఆనందం వెలిబుచ్చింది. ఈ వేడుకలో చిత్రబృందం అంతా పాల్గొన్నారు.
