భానుశ్రీ, సోనాక్షివర్మ, అనురాగ్‌ ప్రధాన పాత్రల్లో నటిస్తున్న చిత్రం కలశ. కొండా రాంబాబు దర్శకుడు. చంద్రజ వాడపల్లి నిర్మించారు. జీవా, సమీర్‌, రవివర్మ తదితరులు నటిస్తున్నారు. ఈ చిత్ర ట్రైలర్ను యువ దర్శకుడు గోపీచంద్‌ మలినేని విడుదల చేశారు. ఈ సందర్భంగా మాట్లాడిన ఆయన ట్రైలర్‌ ఆద్యంతం ఆసక్తికరంగా ఉందని ప్రశంసించారు. విభిన్నమైన కాన్సెప్ట్‌తో ఈ చిత్రాన్ని తెరకెక్కించామని, ప్రేక్షకులకు సరికొత్త అనుభూతినందిస్తుందని దర్శకుడు తెలిపారు. నేటి యువత, కుటుంబ ప్రేక్షకులు మెచ్చే అన్ని అంశాలుంటాయని నిర్మాత పేర్కొన్నారు. ఈ నెల 15న ప్రేక్షకుల ముందుకురానుంది. ఈ చిత్రానికి కెమెరా: వెంకట్‌ గంగధారి, సంగీతం: విజయ్‌ కురాకుల, దర్శకత్వం: కొండా రాంబాబు.
