మరికొన్ని గంటల్లో అమెరికా అధ్యక్ష ఎన్నికలు ప్రారంభం కానున్నాయి. డెమోక్రటిక్‌ పార్టీ అధ్యక్ష అభ్యర్థిగా ప్రస్తుత ఉపాధ్యక్షురాలు కమలా హారిస్‌, రిపబ్లికన్‌ పార్టీ అధ్యక్ష అభ్యర్థిగా మాజీ అధ్యక్షుడు డొనాల్డ్ ట్రంప్ బరిలోకి దిగారు. మరికాసేపట్లో వీరి భవిష్యత్తుపై అమెరికన్లు తీర్పు చెప్పనున్నారు. ఈ నేపథ్యంలో కమలా హారిస్‌ గెలుపుకై తమిళనాడులో ప్రత్యేక పూజలు చేస్తున్నారు. తిరువ‌రూర్ జిల్లాలో గల హారిస్‌ పూర్వీకుల గ్రామం తుల‌సేంద్రపురం లో స్థానికులు ఇవాళ పూజా కార్యక్రమాలు నిర్వహిస్తున్నారు. అంతేకాదు.. కమలకు మద్దతుగా గ్రామ వీధులు, ప్రధాన కూడళ్ల వద్ద భారీగా పోస్టర్లు పెట్టారు. ఇందుకు సంబంధించిన వీడియోలు ప్రస్తుతం వైరల్‌గా మారాయి. అమెరికా ఎన్నికల వేళ.. ఇటీవలే కొంత కాలంగా ఈ గ్రామం హెడ్‌లైన్స్‌లో నిలుస్తోన్న విషయం తెలిసిందే.
