భారతీయులు మరో గిన్నిస్ రికార్డ్ సొంతమైంది. డా.అలీ ఇరానీ, సుజయ్ కుమార్ మిత్రా, భూమ్మీదున్న 7 ఖండాలను 73 గంటల్లోనే చుట్టొచ్చి సరికొత్త రికార్డు నెలకొల్పారు. కేవలం మూడు రోజుల్లోనే ఆసియా, ఆఫ్రికా, ఐరోపా, ఉత్తర అమెరికా, దక్షిణ అమెరికా, అంటార్కిటికా, ఓషియానాలను చుట్టొచ్చేశారు. అతి తక్కువ సమయంలో అన్ని ఖండాల్లో పర్యటించిన వారిని గిన్నిస్ రికార్డ్ వరించింది. ఈ రోజు మేము ఓ రికార్డు బద్దలు కొట్టి ఉండొచ్చు. కానీ రేపు ఇంకొకరు మా రికార్డ్‌ను అధిగమిస్తారు అంటూ వారిద్దరూ వ్యాఖ్యానించారు. ప్రపంచంలో ఏ రికార్డైనా అధిగమించొచ్చనేది తమ నమ్మకమని వారు చెప్పారు. అరుదైన రికార్డ్ నెలకొల్పడంపై ఇరువురూ హర్షం వ్యక్తం చేశారు.
