ప్రియదర్శి కథానాయకుడిగా మోహనకృష్ణ ఇంద్రగంటి దర్శకత్వంలో శివలెంక కృష్ణప్రసాద్‌ నిర్మించిన చిత్రం సారంగపాణి జాతకం. రూపా కొడవాయూర్‌ కథానాయిక. ఈ చిత్రం ట్రైలర్‌ను ఆవిష్కరించారు. ఈ సందర్భంగా ప్రియదర్శి మాట్లాడారు. ఇంద్రగంటి మోహనకృష్ణగారితో పనిచేయాలనే కోరిక ఈ సినిమాతో తీరింది. మండు వేసవిలో చల్లని వినోదాల జల్లులా ఈ సినిమా ప్రేక్షకుల్ని ఆకట్టుకుంటుంది. హాయిగా నవ్వించే ఫ్యామిలీ ఎంటర్‌టైనర ఇది అన్నారు.
క్రైమ్‌ కామెడీ కథాంశంతో ఆద్యంతం చక్కటి హాస్యంతో ఈ సినిమా తీశామని దర్శకుడు మోహనకృష్ణ ఇంద్రగంటి తెలిపారు. ఈ సినిమా అవుట్‌పుట్‌ పట్ల చాలా సంతోషంగా ఉన్నామని, హిట్‌ గ్యారంటీ అని నమ్ముతున్నామని నిర్మాత శివలెంక కృష్ణప్రసాద్‌ పేర్కొన్నారు. స్వతహాగా తాను జాతకాలు నమ్మనని, కానీ ఈ సినిమాలో నటించిన తర్వాత నమ్మడం మొదలుపెట్టానని కథానాయిక రూపా కొడవాయూర్‌ తెలిపింది. పుష్పకవిమానం టాకీగా వస్తే ఎలా ఉంటుందో సారంగపాణి జాతకం అలా ఉంటుందని వెన్నెల కిషోర్‌ అన్నారు. ఈ నెల 25న ప్రేక్షకుల ముందుకురానుంది.
