సుహాస్‌ హీరోగా నటిస్తున్న రొమాంటిక్‌ కామెడీ ఎంటర్‌టైనర్‌ ఓ భామ అయ్యో రామ. మాళవిక మనోజ్‌ కథానాయిక. రామ్‌ గోధల దర్శకత్వం. ఈ చిత్రాన్ని హరీష్‌ నల్ల నిర్మిస్తున్నారు. ఈ సినిమా నుంచి గల్లీ స్టెప్‌ అనే లిరికల్‌ వీడియోను విడుదల చేశారు. ఓ మెరుపులా చిందులే వేయరా అంటూ సాగే ఈ పాటను సుహాస్‌ స్వయంగా ఆలపించడం విశేషం. రథన్‌ స్వరపరచిన ఈ పాటకు కాసర్ల శ్యామ్‌ సాహిత్యాన్నందించారు.
నేటి ట్రెండ్‌కు అనుగుణంగా సాగే మాస్‌ గీతమిది. గల్లీల్లో పాడే తీన్‌మార్‌ పాటలా ఆకట్టుకుంటుందనే నమ్మకం ఉంది. రొమాంటిక్‌ కామెడీ ఎంటర్‌టైనర్‌గా ఈ చిత్రాన్ని తెరకెక్కిస్తున్నారు. రెండున్నర గంటల పాటు ప్రేక్షకుల్ని నవ్విస్తుంది అని మేకర్స్‌ తెలిపారు. ఈ చిత్రంలో ప్రముఖ దర్శకుడు హరీష్‌శంకర్‌ అతిథి పాత్రలో కనిపించబోతున్నారు. జూలై 11న విడుదలకానుంది. ఈ చిత్రానికి కెమెరా: మణికందన్‌, సంగీతం: రథన్‌, దర్శకత్వం: రామ్‌ గోధల.
