విక్రమ్ కథానాయకుడిగా నటిస్తున్న తాజా చిత్రం తంగలాన్. పార్వతి తిరువోతు, మాళవిక మోహనన్‌ కథానాయికలు. పా.రంజిత్‌ దర్శకత్వం. ఈ చిత్రానికి కేఈ జ్ఞానవేల్‌ రాజా నిర్మాత. కోలార్‌ బంగారు గనుల నేపథ్యంలో యథార్థ ఘటనల ఆధారంగా ఈ చిత్రాన్ని తెరకెక్కిస్తున్నారు. ఈ సినిమాలోని మనకి మనకి అనే లిరికల్ సాంగ్‌ను విడుదల చేశారు. జీవీ ప్రకాష్‌కమార్‌ స్వరపరచిన ఈ పాటకు భాస్కరభట్ల సాహిత్యాన్ని అందించారు. మనకి మనకి మనలో మనకి పండగ వచ్చిందో చాన్నాళ్లకి, అలికీ అలికీ ఊరే అలికీ ముగ్గులు వేసేద్దాం ముంగిళ్లకి అంటూ చక్కటి భావాలతో ఈ గీతం సాగింది. ఈ సినిమాలో కోలార్‌ ప్రాంతంలోని ఓ తెగకు నాయకుడి పాత్రలో విక్రమ్ కనిపించనున్నారు. త్వరలో ప్రపంచవ్యాప్తంగా ప్రేక్షకుల ముందుకురానుంది.
