ఆర్‌వీవీ మూవీస్‌ సంస్థ రూపొందిస్తున్న చిత్రం మన్యం ధీరుడు. స్వీయ నిర్మాణంలో ఆర్‌వీవీ సత్యనారాయణ నటిస్తూ నిర్మిస్తున్నారు. నరేష్‌ డెక్కల దర్శకుడు. ఈ సందర్భంగా నిర్మాత, హీరో ఆర్‌వీవీ సత్యనారాయణ మాట్లాడుతూ అల్లూరి సీతారామరాజు నిజమైన చరిత్రను ఈ సినిమాలో ఆవిష్కరించాం. ఈ సినిమా కోసం కత్తి యుద్ధం, విలువిద్యలో శిక్షణ తీసుకున్నా. బ్రిటీషర్లకు వ్యతిరేకంగా అల్లూరి సీతారామరాజు చేసిన వీరోచిత పోరాటం స్ఫూరివంతంగా అనిపిస్తుంది. పాడేరు, హిమాచల్‌ప్రదేశ్‌, కశ్మీర్‌ వంటి ప్రదేశాలలో చిత్రీకరణ జరిపాం అన్నారు. ఈ నెల 20న ప్రేక్షకుల ముందుకురానుంది. ఈ చిత్రానికి సంగీతం: పవన్‌కుమార్‌.
