విశ్వక్సేన్, మీనాక్షిచౌదరి, శ్రద్ధాశ్రీనాథ్ ప్రధాన పాత్రధారులుగా రూపొందుతోన్న మాస్, యాక్షన్ కామెడీ ఎంటర్టైనర్ మెకానిక్ రాకీ. ముళ్లపూడి రవితేజ దర్శకుడు. రామ్ తాళ్లూరి నిర్మాత. ఈ సందర్భంగా మేకర్స్ ప్రమోషన్స్ స్టార్ట్ చేశారు. ఈ సినిమాలోని తొలిపాటను విడుదల చేశారు. గుల్లెడు గుల్లెడు గులాబీలు గుప్పే పిల్లడే.. ఇంక నాతో ఉంటడే అంటూ సాగే పాటను సుద్ధాల అశోక్తేజ రాయగా, జేక్స్ బెజోయ్ స్వరపరిచారు. మంగ్లీ ఆలపించారు. విశ్వక్సేన్, మీనాక్షి చౌదరిలపై చిత్రీకరించిన ఈ పాటలో డాన్స్ మూమెంట్స్ను డాన్స్మాస్టర్ యష్ సంప్రదాయబద్ధంగా, ఆకర్షణీయంగా డిజైన్ చేసినట్టు మేకర్స్ చెబుతున్నారు. అక్టోబర్ 31న దీపావళి కానుకగా సినిమా విడుదల కానుంది. ఈ చిత్రానికి కెమెరా: మనోజ్ కాటసాని, నిర్మాణం: ఎస్ఆర్టి ఎంటర్టైన్మెంట్స్.
