రామ్చరణ్-ఉపాసన దంపతులకు పండంటి కవల పిల్లలు జన్మించిన విషయం తెలిసిందే. ఈ శుభవార్తతో మెగా కుటుంబంలో ఆనందం వెల్లివిరిసింది. రామ్చరణ్ ఈ విషయాన్ని సోషల్మీడియా వేదికగా పంచుకున్నారు. మాకు బాబు, పాప పుట్టారనే విషయాన్ని మీతో పంచుకోవడం ఆనందంగా ఉంది. ఇద్దరు కుమార్తెలు, ఓ కుమారుడిని కలిగి ఉండటం అదృష్టంగా భావిస్తున్నా. మన జీవితంలో మహిళలే గొప్ప బలం. మాకు అండగా నిలిచిన కుటుంబం, అభిమానులకు, శ్రేయోభిలాషులకు కృతజ్ఞతలు అని రామ్చరణ్ పేర్కొన్నారు.
ఈ దంపతులకు ఇప్పటికే కూతురు క్లీంకార ఉన్న విషయం తెలిసిందే. రామ్చరణ్-ఉపాసన దంపతులకు కవలలు జన్మించడంతో ఆనందం వ్యక్తం చేసిన చిరంజీవి మీడియా సమావేశంలో మాట్లాడారు. హనుమాన్ కృపతో కవలలు జన్మించారని, ఉపాసనతో పాటు పిల్లలిద్దరూ ఆరోగ్యంగా ఉన్నారని తెలిపారు.
