ఆర్య, గౌతమ్‌ కార్తీక్‌ ప్రధాన పాత్రల్లో నటిస్తున్న పాన్‌ ఇండియా చిత్రం మిస్టర్‌ ఎక్స్‌. మను ఆనంద్‌ దర్శకత్వం. ఈ చిత్రాన్ని ప్రిన్స్‌ పిక్చర్స్‌ పతాకంపై ఎస్‌.లక్ష్మణ్‌ కమార్‌ నిర్మిస్తున్నారు. శరత్‌కుమార్‌, మంజు వారియర్‌ తదితరులు కీలక పాత్రల్లో నటిస్తున్నారు. ఈ సందర్భంగా దర్శకుడు చిత్ర విశేషాలు తెలియజేస్తూ యాక్షన్‌ ప్రధానంగా భారీ బడ్జెట్‌తో చిత్రాన్ని తెరకెక్కిస్తున్నాం. ఉగాండా, అజర్‌బైజాన్‌, జార్జియా వంటి దేశాల్లో చిత్రీకరణ జరిపాం. పోరాట ఘట్టాలు ప్రధాన ఆకర్షణగా నిలుస్తాయి అన్నారు. ఆదివారంతో చిత్రీకరణ పూర్తయింది. ఈ చిత్రానికి కెమెరా: తన్వీర్‌ దిబు, సంగీతం: దిబు నివాస్‌ థామస్‌.
