కాజల్‌ అగర్వాల్‌ పవర్‌ఫుల్‌ పోలీస్‌ ఆఫీసర్‌గా లీడ్‌రోల్‌ పోషిస్తున్న చిత్రం సత్యభామ. సుమన్‌ చిక్కాల దర్శకుడు. బాబీ తిక్క, శ్రీనివాసరావు తక్కళపల్లి నిర్మాతలు. ప్రస్తుతం ఈ సినిమా చిత్రీకరణ దశలో ఉంది. ఇందులో అమరేందర్‌గా నవీన్‌చంద్ర కీలక పాత్ర పోషిస్తున్నాడు. ఆయన లుక్‌ని విడుదల చేశారు. ఇందులో నవీన్‌చంద్ర నటన అద్భుతంగా ఉంటుందని, కథలో ఆయన పాత్ర కీలకమని దర్శకుడు చెప్పారు. క్రైమ్‌ థ్రిల్లర్‌గా తెరకెక్కుతున్న ఈ చిత్రంలో ప్రకాశ్‌రాజ్‌ ముఖ్యభూమిక పోషిస్తున్నారు. ఈ చిత్రానికి కథనం: శశికిరణ్‌ తిక్క, కెమెరా: జి.విష్ణు, సంగీతం: శ్రీచరణ్‌ పాకాల.
