కార్గిల్‌ యుద్ధంలో తమ పాత్ర ఉందని పాకిస్థాన్‌ సైన్యం అంగీకరించింది. ఈ యుద్ధం జరిగిన 25 ఏండ్ల తర్వాత తొలిసారి పాక్‌ ఈ విషయంపై స్పందించింది. రక్షణ దినోత్సవాల సందర్భంగా పాక్‌ సైన్యాధ్యక్షుడు జనరల్‌ అసిం మునీర్‌ మాట్లాడుతూ 1948, 1965, 1971లో భారత్‌-పాక్‌ యుద్ధాల్లో అయినా, 1999 నాటి కార్గిల్‌ యుద్ధంలోనైనా వేలాది మంది సైనికులు దేశం కోసం, ఇస్లాం కోసం ప్రాణాలు అర్పించారు అని అన్నారు. కార్గిల్‌ యుద్ధంలో పాక్‌ పాత్రను ఆ దేశం ఇప్పటి వరకు తిరస్కరిస్తూ వచ్చింది. ప్రైవేటు స్వాతంత్య్ర సమర యోధులు మాత్రమే ఈ యుద్ధంలో పాల్గొన్నారని చెప్తూ వచ్చింది.
