యువచంద్ర కృష్ణ, అనన్య నాగళ్ల ప్రధాన పాత్రధారులుగా రూపొందుతున్న చిత్రం పొట్టేల్. సాహిత్ మోత్కూ రి దర్శకుడు. నిశాంక్ రెడ్డి కుడితి, సురేశ్ కుమార్ సడిగే నిర్మాత. దసరా కానుకగా ఈ సినిమా థియేటర్లలో విడుదల కానున్నట్టు మేకర్స్ ప్రకటించారు. ఈ సందర్భంగా రిలీజ్ డేట్ పోస్టర్ ఆకట్టుకుంటున్నది. యువ చంద్రకృష్ణ, అనన్య నాగళ్లతో పాటు ఓ పాప, పొట్టేల్ వీరి నేపథ్యంలో జాతీయ జెండా. పోస్టర్ స్ఫూర్తిదాయకం గా ఉందని పలువురు అభిప్రాయపడుతున్నారు. తెలంగాణ నేపథ్యంలో తెరకెక్కుతున్న ఈ సినిమాలో అజయ్, ప్రియాంకశర్మ, తనస్విచౌదరి, నోయల్ సీన్ తదితరులు ఇతర పాత్రధారులు. ఈ చిత్రానికి కెమెరా: మోనిష్ భూపతిరాజ్, సంగీతం: శేఖర్చంద్ర, నిర్మాణం: నిసా ఎంటర్టైన్మెంట్స్, ప్రజ్ఞ సన్నిధి క్రియేషన్స్.
