సుహాస్ కథానాయకుడిగా నటిస్తున్న తాజా చిత్రం ఓ భామ అయ్యో రామ. మాళవిక మనోజ్ కథానాయిక. రామ్ గోధల దర్శకత్వం. ఈ చిత్రానికి హరీష్ నల్ల నిర్మాత. హైదరాబాద్లో జరిగిన చిత్ర ప్రీరిలీజ్ ఈవెంట్కు హీరో మంచు మనోజ్ ముఖ్యఅతిథిగా హాజరయ్యారు. ఈ వేడుకలో మంచు మనోజ్ బిగ్ టికెట్ ను ఆవిష్కరించారు. ఈ సందర్భంగా మంచు మనోజ్ మాట్లాడుతూ సుహాస్ నాకు సోదరుడు లాంటివాడు. ఎప్పుడూ చిరునవ్వుతో, పాజిటివ్గా ఉంటాడు. ఎటువంటి సినీ నేపథ్యం లేకుండా హీరోగా ఎదిగిన సుహాస్ ప్రయాణం ఎంతో స్ఫూర్తిదాయకం. నేను ఒక నెపో కిడ్గా చెబుతున్నాను, సినీ పరిశ్రమలో నెపో కిడ్స్ అయినా కూడా కష్టపడాల్సిందే. కష్టపడితేనే విజయం దక్కుతుంది. యూట్యూబ్ నుంచి హీరోగా ఎదిగిన సుహాస్ జర్నీ ఎంతో ఇన్స్పిరేషన్. తమిళంలో విజయ్ సేతుపతిలా తెలుగులో సుహాస్ కూడా అలాంటి స్టారే. అన్ని రకాల సినిమాలను చేస్తాడు. ఇండస్ట్రీలో సక్సెస్ కావడం కష్టమే, కానీ కష్టపడితే విజయం సాధిస్తాం. ఈ సినిమా విజయం సాధించి నిర్మాతలకు, దర్శకుడికి బ్రేక్ ఇవ్వాలి. మంచి టీమ్తో రూపొందిన ఈ సినిమా బ్లాక్బస్టర్ హిట్ కావాలి అని ఆకాంక్షించారు.
హీరో సుహాస్ మాట్లాడుతూ ఈ సినిమా కోసం టీమ్ అంతా ఎంతో కష్టపడ్డారు. అందరూ ఈ సినిమా చూసిన తర్వాత మాళవిక ప్రేమలో పడిపోతారు. అలీ, అనిత, పృథ్వీ లాంటి సీనియర్ ఆర్టిస్ట్లతో నటించడం ఎంతో సంతోషంగా ఉంది. ప్రతి అబ్బాయి సక్సెస్ఫుల్ లైఫ్లో తల్లి, భార్యలు ఇద్దరూ ఎంతో కీలకంగా ఉంటారు. ఈ పాత్రలకు సంబంధించిన ఎమోషన్స్ ఈ చిత్రంలో అందరి హృదయాలను హత్తుకుంటాయి. అందరి సపోర్ట్తో మంచి సినిమాలు చేస్తున్నాను. త్వరలో నా కెరీర్కు సంబంధించిన మరిన్ని బిగ్ న్యూస్ తెలియజేస్తాను అన్నారు. ఈ నెల 11న విడుదలకానుంది.
ఈ సమావేశంలో చిత్రలహరి బ్యానర్ అధినేత, ఈ చిత్రం కో ప్రొడ్యూసర్ ప్రదీప్ తాళ్ళపు రెడ్డి, హీరోయిన్ మాళవిక, నటుడు శ్రీనాథ్, దర్శకుడు విజయ్ కనకమేడల, రామ్ జగదీష్, సంజనా రెడ్డి, సంగీత దర్శకుడు రథన్, రచయిత బీవీఎస్ రవి, మరో రచయిత డార్లింగ్ స్వామి, నటులు మెయిన్, సాత్విక్, కెమెరామెన్ మణికందన్, గీత రచయితలు రామ్ గోసాల, శ్రీ హర్ష ఈమని తదితరులు పాల్గొన్నారు.
