సూర్య హీరోగా నటిస్తున్న చిత్రం కంగువ. శివ దర్శకత్వం. దిశాపటానీ ఫీ మేల్‌ లీడ్ రోల్‌లో నటిస్తోండగా, బాబీడియోల్ కీలక పాత్రలో నటిస్తున్నాడు. స్టూడియో గ్రీన్-యూవీ క్రియేషన్స్ సంయుక్తంగా నిర్మిస్తున్నారు. కంగువ సెకండ్‌ లుక్‌ విడుదల చేశారు. సెకండ్‌ లుక్‌లో ఓ వైపు వారియర్‌గా కత్తి పట్టుకుని కనిపిస్తుండగా, మరోవైపు స్టైలిష్ లుక్‌లో మ్యాజిక్‌ చేస్తున్నట్టుగా మెస్మరైజ్ చేస్తున్నాడు సూర్య. దేవీ శ్రీ ప్రసాద్‌ ఈ చిత్రానికి బ్యాక్‌ గ్రౌండ్‌ స్కోర్‌, మ్యూజిక్‌ అందిస్తుండటంతో అంచనాలు అమాంతం పెరిగిపోతున్నాయి. గతానికి, ప్రస్తుత కాలానికి మధ్య ఉండే కనెక్షన్‌తో సాగే స్టోరీలైన్‌ ఆధారంగా కంగువ తెరకెక్కుతున్నట్టు ఇన్‌సైడ్‌ టాక్‌. ఇప్పటికే లాంఛ్ చేసిన ఈ మూవీ గ్లింప్స్ వీడియో, కంగువ పోస్టర్లు నెట్టింట వైరల్ అవుతూ, సినిమాపై క్యూరియాసిటీ పెంచేస్తున్నాయి. ఇప్పటికే పొంగళ్‌ శుభాకాంక్షలు తెలియజేస్తూ రిలీజ్ చేసిన కొత్త లుక్‌లో సూర్య చేతికి టాటూస్‌ ఉండటం చూడొచ్చు.
