క్యూబా పోరాట యోధుడు చేగువేరా జీవిత చరిత్ర ఆధారంగా తెరకెక్కిస్తున్న చిత్రం చే. లాంగ్‌ లివ్‌ ఉపశీర్షిక. స్వీయ దర్శకత్వంలో బి.ఆర్‌. సభావత్‌ నాయక్‌ నటిస్తున్న ఈ చిత్రాన్ని సూర్య, బాబు, దేవేంద్ర సంయుక్తంగా నిర్మిస్తున్నారు. నేడు చేగువేరా వర్థంతిని పురస్కరించుకొని టీజర్‌ను విడుదల చేశారు. సభావత్‌ నాయక్‌ మాట్లాడుతూ చేగువేరా చేసిన పోరాటాలు, త్యాగాలను ఈ చిత్రంలో ఆవిష్కరించాం. ఈ మూవీ పోస్టర్‌ను చేగువేరా కూతురు అలైదా గువేరా విడుదల చేయడం అదృష్టంగా భావిస్తున్నా అన్నారు. నిర్మాణానంతర కార్యక్రమాలు పూర్తయ్యాయి. నవంబర్‌లో విడుదలకు సన్నాహాలు చేస్తున్నారు. ఈ చిత్రానికి కెమెరా: కళ్యాణ్‌ సమి, జగదీష్‌, సంగీతం: రవిశంకర్‌.
