జై జాస్తి, అవంతిక జంటగా నాని బండ్రెడ్డి తెరకెక్కించిన చిత్రం రాజమండ్రి రోజ్‌మిల్క్‌. సురేష్‌ ప్రొడక్షన్స్‌, ఇంట్రూప్‌ సంస్థలు సంయుక్తంగా నిర్మించాయి. ఈ చిత్ర టీజర్‌ను విడుదల చేశారు. ఈ సందర్భంగా దర్శకుడు నాని మాట్లాడుతూ కొత్తదనం నిండిన కథాంశంతో తెరకెక్కిన యూత్‌ఫుల్‌ ఎంటర్‌టైనర్‌ ఇది. కాలేజీ రోజుల్లో మరుపురాని సంఘటనలు, మధురానుభూతుల్ని ఈ చిత్రం అందరికీ గుర్తు తెస్తుంది. సినిమా చూసిన ప్రతి ఒక్కరికీ ఒక మంచి చిత్రం చూశామన్న అనుభుతి కలుగుతుంది అన్నారు. సన్నీల్‌కుమార్‌, వెన్నెలకిషోర్‌, ప్రవీణ్‌, ప్రణీత్‌ పట్నాయక్‌, తదితరులు నటిస్తున్నారు. ఈ సినిమాకి సంగీతం: గోవింద్‌ వసంత్‌, అజయ్‌ అరసాడ, యశ్వంత్‌ నాగ్‌, భరత్‌ సారభ్‌` ఛాయాగ్రహణం: శక్తి అరవింద్‌, ఎడిటర్‌ : కార్తీక్‌ శ్రీనివాస్‌.
