మల్లేశం, వకీల్‌సాబ్‌ చిత్రాలతో గుర్తింపు తెచ్చుకున్న మన తెలుగమ్మాయి అనన్య నాగళ్ల. ఆ తర్వాత ప్లేబ్యాక్‌, తంత్ర, పొట్టేల్‌, బహిష్కరణ(వెబ్‌ సిరీస్‌) వంటి ప్రాజెక్టులతో మంచి నటిగా కూడా కితాబులందుకున్నది. త్వరలో ఈ ముద్దుగుమ్మ బాలీవుడ్‌ డెబ్యూ ఇవ్వడానికి కూడా రంగం సిద్ధం చేసుకుంది. ఏక్తా ఫిల్మ్‌ ఎంటైర్టెన్మెంట్స్‌ పతాకంపై హిమ్మత్‌ లడుమోర్‌ నిర్మాణంలో ఓ విమన్‌ సెంట్రిక్‌ మూవీ చేస్తున్నది అనన్య నాగళ్ల. ఈ చిత్రానికి రాకేష్‌ జగ్గి దర్శకుడు. ఇందులో అనన్య ట్రైబల్‌ లేడీగా కనిపిస్తుందని సమాచారం. కాంత అనే టైటిల్‌ను ఈ సినిమాకు పరిశీలిస్తున్నారు. ముంబయ్‌ హీరోయిన్లు టాలీవుడ్‌లో పాగా వేస్తున్న నేటి తరుణంలో ఓ తెలుగమ్మాయి బాలీవుడ్‌ సినిమాలో లీడ్‌ రోల్‌ చేయడం నిజంగా తెలుగువారందరికీ గర్వకారణమని పలువురు అభిప్రాయపడుతున్నారు.
