అగ్రరాజ్యం అమెరికాలో మరోసారి కాల్పుల మోత మోగింది. రాజధాని వాషింగ్టన్లోని పోష్ ఏరియా అయిన కనెక్టికట్ అవెన్యూలో ఓ సాయుధుడు ఆటోమేటిక్ వెపన్తో విచక్షణా రహితంగా కాల్పులు జరిపాడు. దీంతో ముగ్గురు తీవ్రంగా గాయపడ్డారు. వారు ప్రస్తుతం క్షేమంగా ఉన్నారని, దవాఖానలో చికిత్స పొందుతున్నారని పోలీసులు తెలిపారు. బాధితుల్లో ఒకరు అమ్మాయి కూడా ఉన్నదని తెలిపారు. కాల్పులకు తెగబడిన వ్యక్తి కోసం ఆ ప్రాంతంలో పోలీసులు గాలింపు చేపట్టారు. కనెక్టికట్ను పోలీసులు చుట్టుముట్టారు. దుండగుడు తప్పించుకుపోకుండా అక్కడ లాక్డౌన్ విధించారు. అపార్టుమెంట్లను జల్లడపడుతున్నారు. నిందితుడిని వీలైనంత తొందరగా పట్టుకుంటామని అసిస్టెంట్ పోలీస్ చీఫ్ స్టువర్ట్ ఎమర్మెన్ తెలిపారు.
