హర్ష్ రోషన్, నక్షత్ర జంటగా అరుణాచల క్రియేషన్స్ బ్యానర్ మీద కృష్ణ కొమ్మలపాటి నిర్మిస్తున్న చిత్రం తెల్ల కాగితం. రమేష్ బండ్రెడ్డి దర్శకత్వం. హర్ష్ రోషన్ చేస్తున్న ఈ ప్రాజెక్ట్కి సంబంధించిన అప్డేట్, టైటిల్, ఫస్ట్ లుక్ను తాజాగా రిలీజ్ చేశారు. యూత్ ఫుల్ ఎమోషనల్ లవ్ స్టోరీగా ఈ మూవీ రాబోతోందని టైటిల్, ఫస్ట్ లుక్ని చూస్తేనే తెలుస్తోంది. పోస్టర్లో హీరో హీరోయిన్లు కనిపిస్తున్న, చుట్టూ ఉన్న విజువల్స్ చూస్తే ఇదొక అందమైన ప్రేమ కథా చిత్రమని అర్థం అవుతోంది. ఆహ్లాదకరమైన ఫస్ట్ లుక్ పోస్టర్ను రిలీజ్ చేసి సినిమా మీద అంచనాలు పెంచేశారు.
ఈ రొమాంటిక్ ఎంటర్టైనర్ను సరికొత్తగా మలిచి ప్రేక్షకులకు ఓ కొత్త ఎక్స్పీరియెన్స్ను ఇవ్వాలని దర్శకుడు రమేష్ బండ్రెడ్డి ప్రయత్నిస్తున్నారు. ఈ సినిమాకి కథ, స్క్రీన్ప్లే, సంభాషణలు : నందు సవిరిగన, డైరెక్టర్ ఆఫ్ ఫోటోగ్రఫీ: కె.వి.గుహన్, సంగీతం: విజయ్ బుల్గానిన్, ఎడిటర్: కార్తీక శ్రీనివాస్ ఆర్, ప్రొడక్షన్ డిజైనర్: చిన్నా, ఎగ్జిక్యూటివ్ ప్రొడ్యూసర్: రవి సూర్నెడ్డి, కొరియోగ్రఫీ: ఈశ్వర్ పెంటి.
