అగ్రహీరో విజయ్ ద్విపాత్రాభినయం చేస్తున్న మోస్ట్ ఎవైటెడ్ పాన్ ఇండియా మూవీ ది గోట్ (ది గ్రేటెస్ట్ ఆఫ్ ఆల్టైమ్). మీనాక్షి చౌదరి కథానాయిక. కల్పాతి ఎస్.అఘోరం, కల్పాతి ఎస్.గణేశ్, కల్పాతి ఎస్. సురేష్ నిర్మాతలు. ప్రమోషన్లో భాగంగా ఈ సినిమాలోని మూడో పాటను మేకర్స్ విడుదల చేశారు.జిగి జింతాకు చూపే ఒక స్పార్కు.. ఆ నాజూకు నడకే క్యాట్వాక్కూ అంటూ సాగే ఈ పాటను రామజోగయ్యశాస్త్రి రాయగా, యువన్శంకర్రాజా స్వరపరిచి, వృష బాలుతో కలిసి ఆలపించారు. ఈ పాటలో విజయ్ డాన్స్ మూమెంట్స్ మెస్మరైజ్ చేస్తాయని, విజయ్, మీనాక్షి చౌదరి కెమిస్త్రీ ఈ పాటలో ఓ రేంజ్లో ఉంటుందని మేకర్స్ చెబుతున్నారు. ప్రశాంత్, ప్రభుదేవా, మోహన్, జయరామ్, స్నేహ, లైలా, అజ్మల్ తదితరులు ఇతర పాత్రలు పోషిస్తున్నారు. తెలుగులో మైత్రీమూవీ మేకర్స్ విడుదల చేస్తున్నారు. సెప్టెంబర్ 5న సినిమా విడుదల కానుంది. ఈ చిత్రానికి కెమెరా: సిద్ధార్థ్ నుని.
