రాజ్తరుణ్ హీరోగా నటిస్తున్న యాక్షన్ థ్రిల్లర్ టార్టాయిస్. అమృత చౌదరి, అవసరాల శ్రీనివాస్, ధన్య బాలకృష్ణ కీలక పాత్రధారులు. రిత్విక్ కుమార్ దర్శకుడు. విజయ్ చౌదరి, శశిధర్ నల్ల, రామిశెట్టి రాంబాబు నిర్మాతలు. ప్రమోషన్లో భాగంగా ఈ సినిమా సాంగ్ లాంచ్ ఈవెంట్ని హైదరాబాద్లో ఘనంగా నిర్వహించారు. నీ పరిచయం అంటూ చంద్రబోస్ రాసిన ఈ పాటను మేకర్స్ విడుదల చేశారు. ఈ పాట సినిమాకు పిల్లర్ లాంటిదని, అనూప్ రూబెన్స్ సంగీతానికి చిన్మయి గానం తోడవ్వడంతో ఈ పాటకు నిండుదనం వచ్చిందని నిర్మాతలు తెలిపారు.
దర్శకుడు రిత్విక్ మాట్లాడుతూ ఫుల్ ఎైగ్జెట్మెంట్తో ఉన్న ఈ థ్రిల్లర్ సినిమాలో లవ్ ఎలిమెంట్ తీసుకొచ్చి కథను టర్న్ చేసే పాత్రను పోషించారు రాజ్ తరుణ్. ఇదే ఈ సినిమాకు అతిపెద్ద ఫ్లస్ పాయింట్. అందరికీ మంచి పేరు తెచ్చే సినిమా అవుతుంది అని చెప్పారు. ఇదొక యూనిక్ థ్రిల్లర్ అని, ఈ సినిమాలో మంచి మెలొడీ సందర్భం వచ్చినప్పుడు అనూప్ బ్యూటిఫుల్ మ్యూజిక్ ఇచ్చారని, ఆడియన్స్కి ఓ కొత్త అనుభూతిని పంచే సినిమా ఇదని హీరో రాజ్తరుణ్ పేర్కొన్నారు. ఇంకా హీరోయిన్ అమృతా చౌదరి, సంగీత దర్శకుడు అనూప్ రూబెన్స్, అవసరాల శ్రీనివాస్, నటి ధన్య బాలకృష్ణ, సింగర్ చిన్మయి కూడా మాట్లాడారు. త్వరలో సినిమా విడుదల కానున్నది.
